Монгол улсад
Автотээврийн салбар үүсч
хөгжсөний
95 жилийн ойн баярын мэнд
хүргэе! Б.Гүрсоронзон

Автотээврийн Үндэсний Төв
ТӨҮГ-ын Захирал




он



МОНГОЛ УЛСАД АВТОТЭЭВРИЙН САЛБАР ҮҮСЧ ХӨГЖСӨНИЙ 95 ЖИЛИЙН ОЙ ТОХИОЖ БАЙНА

2020-07-17 06:31:18

 


МЭНДЧИЛГЭЭ

Улс орны эдийн засгийн хөгжлийн гол салбар болох автотээврийн салбарын үе үеийн тээвэрчид, инженер, техникийн ажилтнууд, албан хаагч, эрдэмтэн мэргэд, ахмад буурлууддаа Монгол Улсад Автотээврийн салбар үүсч хөгжсөний 95 жилийн ойн мэндийг өргөн дэвшүүлье.

Монголын анхны автотээврийн байгууллага 1925 онд “Монгол тээх нэвтрүүлэх газар” нэртэйгээр байгуулагдсанаас хойш эдийн засгийн өсөлтийг хангах, эрэлтэд нийцсэн, тогтвортой, эдийн засгийн үр ашигтай, аюулгүй, ая тухтай, байгаль орчинд ээлтэй, бүс нутагт өрсөлдөхүйц тээврийн үйлчилгээ үзүүлэгч, нийгмийн тэргүүлэгч салбар болох зорилго дор бахдам сайхан амжилт, түүхэн үйл явдлуудаар дүүрэн 95 жилийн замналыг туулан иржээ.

Тухайлбал, 2016 оноос хойш автотээврийн салбарын бүтээн байгуулалтууд болох жолооч, зорчигчдын ая тухыг хангасан авто замын дагуух үйлчилгээний байгууламж, зорчигч үйлчилгээний стандартыг хангасан автобуудал, тээврийн хэрэгслийн техникийн хяналтын үзлэгийн төвүүдийг бүх аймгуудад эрчимтэй барьж байгууллаа. Мөн жолоочийн мэдлэг, ур чадварыг дээшлүүлэх, улс орны эдийн засаг, нийгмийн тогтвортой хөгжлийн хэрэгцээ шаардлагыг бүрэн хангасан үр ашигтай, найдвартай, аюул осолгүй, байгаль орчинд ээлтэй тээврийн үйлчилгээг бий болгох чиглэлийг гол зорилгоо болгон энэ оныг “Хариуцлагатай-Аюулгүй тээврийн жил” болгон зарлаад байна.

Түүнчлэн Монгол Улсын Засгийн газраас батласан Тээврийн ухаалаг системийг хөгжүүлэх үндэсний хөтөлбөрийг хэрэгжүүлэх хүрээнд шинжлэх ухаанд суурилсан, техник технологийн дэвшилд тулгуурласан программ хангамжууд болох тээврийн хэрэгслийн бүртгэл, дугаар олгох цахим систем, “Тээврийн нэгдсэн систем” цахим программ, тасалбар борлуулах цахим программ, гар утасны аппликэйшн, Зорчигч тээврийн бүртгэлийн систем зэрэг программуудыг нэвтрүүлж, олон нийтийн талархлыг хүлээснээр “Шилдэг инноваци нэвтрүүлэгч төрийн байгууллага”-аар шалгарсан нь бид бүхний ажлын үр дүн гэдгийг энд онцлон тэмдэглэе.

Цаашид хот хоорондын ачаа тээврийн үйлчилгээг шуурхай, хүртээмжтэй, хямд хүргэх боломжийг бүрдүүлэх, ачаа, барааг цахим хэлбэрээр захиалах, хүлээж авах, бүртгэлжүүлэх, нэгдсэн зохион байгуулалтад оруулах, тээвэрлэлтийн эрэлт хэрэгцээг хангахын тулд эдийн засаг, нийгмийн эрэлтэд нийцсэн, чанартай, шуурхай, аюулгүй, мэргэжлийн өндөр түвшний автотээврийн үйлчилгээг үзүүлэх шат дараатай томоохон ажлууд бид бүхнийг хүлээж байна.

Манай орны эдийн засгийн бүтцийн томоохон салбар, хөгжлийн нэгэн тулгуур болсон автотээврийн салбартай ажил амьдралаа холбож, улс орноо хөгжүүлэхэд үнэтэй хувь нэмэр оруулж буй та бүхэндээ Монгол Улсад Автотээврийн салбар үүсч хөгжсөний 95 жилийн ойн мэндийг өргөн дэвшүүлж, алтан шар зам нь өлзийтэй байхын ерөөл өргөе.
 

АВТОТЭЭВРИЙН ҮНДЭСНИЙ ТӨВ ТӨҮГ-ЫН ЗАХИРАЛ Б.ГҮРСОРОНЗОН



[ << Буцах | Хуудасны эхэнд | Хэвлэх | Дараах >> ]






 
Бидний тухай

Танилцуулга
Удирдлагууд
Байгууллагын чиг vvрэг
Vндсэн зорилт
Бvтэц зохион байгуулалт
 
Мэдээ, мэдээлэл
Мэдээ, мэдээлэл
Статистик мэдээ
Фото мэдээ
Видео мэдээ
 

“Автотээврийн үндэсний төв” төрийн өмчит үйлдвэрийн газар нь Зам, тээврийн хөгжлийн сайдын эрхлэх асуудлын хүрээнд автотээврийн талаар төрөөс баримтлах бодлого, хууль тогтоомжийн хэрэгжилтийг зохицуулж, зохион байгуулах үндсэн чиг үүрэгтэй байгууллага юм.

 
  1900-1234
 
 
 
© 2020 АТҮТ ТӨҮГ.                 Нүүр хуудас      |      Салбаруудын байршил      |      Цахим шуудан     |     Холбоо барих


Хөгжүүлэлтийг Мэдээллийн Технологийн Хэлтэс.