Төрийн дээд одон медалиар энгэрээ мялаалаа
Тус үйлдвэрийн газрын Архив, лавлагааны тасгийн дарга Р.Түвшинбаяр Цэргийн гавьяаны улаан тугийн одонгоор, Бүртгэлийн ахлах мэргэжилтэн Ц.Цэрэнбат Алтангадас одонгоор, Т.Очирдарь, Т.Уртнасан, Б.Цэцэгмаа, Б.Болорсайхан нар Хөдөлмөрийн хүндэт медалиар тус тус шагнагдлаа. Тус үйлдвэрийн газрын дарга Х.Баярхүү төрийн дээд одон медалиар шагнагдсан албан хаагчдад баяр хүргэж “Төр засагт хөдөлмөр бүтээлээрээ үнэлэгдэж, төрийн дээд одон медалиар шагнуулсан та бүгдэд халуун баяр хүргэе. Цаашид ажил үйлсдээ өндөр амжилт гаргаж, автотээврийн салбарыг хөгжүүлэхэд үнэтэй хувь нэмэр оруулна гэдэгт итгэлтэй байна” гэлээ.
